最初我同史提芬都想keep it simple 我甚至想撇除接新娘同埋搵兄弟姐妹團etc....因為大家都唔想去manage咁多嘢 眼見朋友擺酒要理埋咁多嘢真係諗起都覺得煩....我最怕煩!
於是我向史提芬提意不如擺大概10圍Lunch Reception吖(已睇中咗沙田馬場望到河又望到山嘅宴會廰...史提芬都鍾意呢個地方) 感覺輕啲又唔駛搞到好似擺晚宴咁隆重咁 加上主要招待我哋嘅親戚(PS 史提芬嗰邊單係親戚都6圍...其實我知係可以再trim一半 but佢阿媽仲係度話唔夠...上次佢屋企辦喜事都話3圍就夠 點知唔知佢媽咪點同人講, turn out 嚟咗6圍, 佢媽咪當時都知出事啦...我都係嗰句 請帖真係留俾最親同最好嘅朋友 我係唔會周街派嘅..) 而我呢邊至親嘅親戚就退哂休 所以即使我哋喺閑日擺中午都冇咩問題吖....
點知我同老豆提意 佢就話你又揀閑日又揀晏晝又揀平日冇交通工具接駁嘅地點（只提供定時shuttle bus for return trip）你到底想唔想人嚟ga.......你細佬都未必請到假嚟ga.. 咁我諗落又覺得有道理噃 於是改變形式 轉擺晚宴 地點要交通方便 最後決定揀尖沙咀, target 12至15圍, 媽打話擺酒樓有氣氛啲 ok 就咁決定啦
於是我喺網上做咗啲research 再親自site visit,最後好快identify到邊間最啱我哋, 就係文化中心嘅映月樓4樓翡翠廰, maximum 15圍, 又有自己獨立一層,四四正正, 加上眼前有維港海景, 到時校暗少少燈光應該感覺唔錯..
由於喺呢區擺呢圍數多數都係間個廰出嚟 感覺嘛嘛, 已visit過嘅有The One嗰兩家大酒樓,同埋isquare阿一(可惜有柱位, maximum10圍, 但嗰景very good), 至於Peking Road 1 號之前去過飲宴 室內設計grand咗啲 我carry唔到.. 加上要間廰 所以唔啱我哋 北京樓同翠園室內同商場都太舊了...
